Afrimi Moskë-Pekin: Putin i propozon Xi Jinping heqjen e përhershme të vizave mes dy vendeve
Rusia është e gatshme të bashkëpunojë me Kinën për të bërë të përhershëm regjimin pa viza mes dy vendeve, nëse Pekini e konsideron këtë si të mundur dhe të dobishme. Kështu deklaroi Presidenti rus Vladimir Putin.
“Jemi të gatshëm të punojmë së bashku për ta bërë regjimin pa viza të përhershëm nëse pala kineze e konsideron këtë të mundur dhe të dobishëm,” tha Putin gjatë një takimi me Presidentin kinez Xi Jinping, në margjinat e samitit të Organizatës së Bashkëpunimit të Shangait (SCO).
Ai theksoi se udhëtimi pa viza ka kontribuar në rritjen e fluksit turistik mes dy vendeve me 43% në gjysmën e parë të vitit.
Më 1 dhjetor 2025, Putin firmosi një dekret që lejon qytetarët kinezë të hyjnë në Rusi deri në 30 ditë pa vizë, deri më 14 shtator 2026, duke u bazuar në parimin e reciprocitetit. Më parë, Kina kishte prezantuar një regjim të ngjashëm pa viza për shtetasit rusë. Më pas, të dy palët zgjatën të drejtën e hyrjes pa viza deri në fund të vitit 2027.
Ambasadori kinez në Moskë, Zhang Hanhui, ka deklaruar më parë se heqja e vizave ka rritur fluksin turistik nga Kina në Rusi me pothuajse 1.5 herë në tremujorin e parë të vitit 2026.