Trajneri i ri i Kombëtarës shqiptare të futbollit, Rolando Maran, ka zhvilluar sot stërvitjen e tij të parë zyrtare me ekipin. Maran mori drejtimin e Kombëtares vetëm pak javë më parë.
Në këtë seancë të parë stërvitore, pati disa mungesa. Ardjan Ismajli u largua nga grumbullimi për shkak dëmtimi. Gjithashtu, mungoi edhe mbrojtësi Naser Aliji. Federata Shqiptare e Futbollit (FSHF) sqaroi se Aliji ka zhvilluar vetëm një fazë rikuperimi, pasi një ditë më parë kishte luajtur 90 minuta me Dinamon në ndeshjen kundër Egnatias.
Lojtarët zhvilluan ushtrime si në palestër, ashtu edhe në fushë. Më pas, ata u ndanë në grupe për të zhvilluar një ndeshje kontrolli. Kjo iniciativë i dha mundësinë Maranit dhe stafit të tij të vëzhgonin futbollistët në veprim dhe të fillonin të hedhnin bazat për formacionin që do të përballet me Izraelin në ndeshjen miqësore të së mërkurës.