Bordi i Transparencës përcakton çmimet e reja të karburanteve: Ja sa do të kushtojnë nafta dhe benzina
Bordi i Transparencës, në mbledhjen e datës 10 qershor 2026, ka vendosur çmimet e reja tavan për shitjen e karburanteve.
Në detaj, vendimet e Bordit të Transparencës në datën 10 qershor 2026 janë si më poshtë:
- Çmimi i shitjes me pakicë për gazoilin sipas standardit SSH EN 590 nuk do të kalojë 188 lekë/litër.
- Çmimi i shitjes me shumicë për gazoilin nuk do të kalojë 176 lekë/litër.
- Çmimi i shitjes me pakicë për benzinën sipas standardit SSH EN nuk do të kalojë 171 lekë/litër.
- Çmimi i shitjes me shumicë për benzinën nuk do të kalojë 159 lekë/litër.
Çmimet e përcaktuara do të hyjnë në fuqi sot, datë 10, në orën 14:00 dhe do të jenë të vlefshme deri në mbledhjen e radhës të bordit, kur edhe do të pasqyrohen ndryshimet e mundshme.
Dëshirohet të tërhiqet vëmendja e të gjithë operatorëve të shitjes me pakicë dhe shumicë të nënprodukteve të naftës mbi detyrimin për zbatimin e këtij vendimi. Në rast shkeljesh të konstatuara, do të vendoset pezullimi i aktivitetit.
Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, janë angazhuar për mbrojtjen e interesave të konsumatorëve shqiptarë dhe ruajtjen e parimeve të konkurrencës së ndershme në treg.