BE pezullon fondet për Serbinë: Marta Kos fajëson politikën e Beogradit
Bashkimi Evropian ka pezulluar mbështetjen financiare për Serbinë, duke theksuar se shkak është politika e Beogradit në lidhje me sistemin gjyqësor.
Komisionerja për Zgjerim, Marta Kos, deklaroi se fondet do të mbeten të bllokuara derisa autoritetet serbe të adresojnë problemet e identifikuar në sistemin gjyqësor. “Në këtë pikë, ne kemi pezulluar të gjitha pagesat [për Serbinë] sipas planit të zhvillimit, sepse po shohim përsëri një regres në sistemin e drejtësisë. Derisa kjo të korrigjohet, vendi nuk do të jetë në gjendje të marrë mbështetje financiare nga BE-ja,” u shpreh Kos në një konferencë për shtyp.
Marta Kos shprehu shqetësim për miratimin e ligjeve që, sipas saj, minojnë pavarësinë gjyqësore, si dhe për shtypjen e protestuesve dhe presionin ndaj medias së pavarur.
Brukseli thekson nevojën për respektim të rreptë të standardeve evropiane për të vazhduar bashkëpunimin financiar.
Më herët gjatë muajit, revista Politico raportoi se BE po shqyrtonte ndërprerjen e 1.5 miliardë eurove në financim për Serbinë, duke përmendur si arsye lidhjet e ngushta të Beogradit me Rusinë.